Vellykka inspirasjonsøkt i Førdehuset
Claus Dalgaard Hansen og Rasmus Hauge var på besøk i Førde mandag 19. mai for å holde inspirasjonsøkt.
Mandag 19. mai fekk NHF Region Vest storbesøk i Førdehuset frå trenerressursar frå yngre landslag på guttesida i NHF. Claus Dalgaard Hansen og Rasmus Hauge er på turné i Vestlandet og Møre og Romsdal for å holde inspirasjonsøkter og foredrag for trenarar, lagleiarar og andre interesserte om lag- og spelarutvikling. Første stopp var Førde.
I den forbindelse hadde NHF Region Vest henta inn utøverapparat frå G2012-årgangen frå klubbane Førde, Jølster, Dale og Sandane. 24 motiverte og engasjerte gutespelarar fekk oppleve ei kjekk, variert og innhaldsrik økt frå dyktige og erfarne trenarar, der dei fekk verdifull veiledning, tips og tilbakemeldingar dei kan ta med seg i si vidare utvikling. På agendaen for økta sto blant anna kasteteknikk, ulike former for duellspel, valg og kontra.
Claus og Rasmus veiledar utøverapparatet
Rasmus instruerer utøverapparatet i kasteteknikk
42 lagleiarar og andre interesserte frå gamle Sogn og Fjordane hadde meldt seg på for å observere. Underveis brukte Claus og Rasmus og tid på å kommunisere med tilskodarane, der dei blant anna forklarte tanken bak øvelsane, samt ga tips og veileda korleis trenarane kan anvende dette i sitt eige arbeid med å utvikle lag og spelarar best mogleg.
Etter økta var det tid for foredrag. Der gjekk Claus og Rasmus gjennom sine tankar, idear, kriteriar og tips for korleis man som trenar kan legge til rette for god lag- og spelarutvikling. Dei påmeldte fekk og moglegheit til å stille spørsmål om alt dei måtte lure på om temaet. Mange engasjerte tilhøyrarar kom med gode spørsmål og innspel, som igjen ga gode diskusjonar.
Det såg ut som både dei påmeldte deltakarane, samt utøverapparatet hadde ein kjekk kveld i Førdehuset og fekk godt utbytte av både økta og foredraget. NHF Region Vest filma heile økta, slik at videoen kan sendast ut til klubbane for vidare analyser og arbeid med utvikling i ettertid.
Vi takkar alle som kom, både dei påmeldte og dei klubbane og laga som ville vere med i utøverapparatet. Dette gjorde at vi fekk til å organisere dette. Vi takkar og Førde IL Handball og Førdehuset som fasiliterte for hall og rom til foredrag, samt Morten Mortensen frå Florø SK Handball som bidrog med å ta bilder og videoar for oss. Ikkje minst takkar vi Claus og Rasmus så mykje for at dei kom. Vi håpar deira bidrag kan vere med på å bygge opp engasjementet og interessen rundt handballen, samt lag- og spelarutvikling i fylket endå meir.
Vi ønskjer dei riktig god tur vidare og lykke til med øktene i Møre og Romsdal i morgon og onsdag!
Foto: NHF Region Vest og Morten Mortensen, Florø SK Handball.
